მომავალი „ელ კლასიკო“ იმითაც იქნება გამორჩეული, რომ ერთმანეთს დაუპირისპირდებიან, დღესდღეობით, მსოფლიოს საუკეთესო თავდამსხმელები.

სტატისტიკად გამომდინარე თამამად შეიძლება ითქვას, რომ „რეალისა“ და „ბარსელონას“ შეტევით ხაზებს კონკურენტი არ ჰყავთ მსოფლიოში.ისინი ყოველკვირეულად აოცებენ გულშემატკივრებს.

ამ მომენტისათვის, პრიმერა დივიზიონის მასშტაბით, ბეილის, ბენზემასა და რონალდუს სამეული მხოლოდ 1 გოლით ჩამორჩება მესის, სუარესისა და ნეიმარის გაერთიანებას.„კულეებმა“ 27 მატჩში 56-ჯერ გაცხრილეს მეტოქის კარი, ხოლო მადრიდელებმა 55-ჯერ.

აღსანიშნავია, რომ დედაქალაქელების ტრიომ, თავიანთი შედეგიანი დარტყმებით 34 ქულა მოუტანა გუნდს (64-დან), ხოლო კატალონიელებმა 33 (65-დან).ამასთანავე, ფრანგმა, უელსელმა და პორტუგალიელმა 27-დან 24 შეხვედრაში გამოიჩინეს თავი, ხოლო სამხრეთ ამერიკელებმა 27-დან მხოლოდ 20 მატჩში დაამწუხრეს მოწინააღმდეგე.

პაექრობებში, სადაც თავდამსხმელებმა ვერ მოახერხეს შედეგიანი დარტყმის განოხრციელება, „ბარსელონას“ უფრო ძვირად დაუჯდა (2 მოგება, 2 ფრე და 3 წაგება), ვიდრე „რეალს“ (1 მოგება და 2 წაგება).

და ბოლოს, ყველა ტურნირზე, BBC 77 გოლს მოითვლის, ხოლო MSN 82-ს.

AS