რაც არ უნდა სამწუხარო იყოს, იტალიელი დამრიგებელი უფერული სტატისტიკით გამოირჩევა „ბარსელონას“ საფეხბურთო არენაზე.

სამწვრთნელო კარიერის განმავლობაში, ანჩელოტის 4 პაექრობის გამართვა მოუწია „ნოუ კამპზე.“მისმა დამოძღვრილებმა 2-ჯერ მარცხით გამოიჩინეს თავი, ხოლო ორჯერაც ყაიმით.

პირველად, კარლიტო, 2004 წელს, „მილანის“ თავკაცის რანგში ესტუმრა კატალონიას.ჩემპიონთა ლიგის ჯგუფური ეტაპის ფარგლებში, „როსონერიმ“ 2-1 დათმო მასპინძლებთან.აღნიშნულიდან 4 წლის შემდეგ, უკვე მერვედფინალურ სტადიაზე, იტალიელებმა ნულოვან ფრეს გამოკრეს ხელი.

2013 წელს, ანჩელოტიმ პარიზელები ჩაიყვანა „ნოუ კამპზე,“ რომლებმაც 1-1 დააფიქსირეს ტაბლოზე, ხოლო განვლილ სეზონში, უკვე მადრიდელთა მესაჭის ამპლუაში, „პაპა კარლომ“ კვლავ წააგო „ბლაუგრანასთან“ (2-1).

ალბათ, დროა, რომ მსოფლიოს ერთ-ერთმა საუკეთესო მწვრთნელმა პირველი გამaრჯვება მოიპოვოს კატალონიელთა მიწაზე.

MARCA