ფერნანდო ბურგოსის განცხადებით, მადრიდის "რეალში" სიტუაცია დალაგებისკენ მიდის...

"ჩემი ინფორმაციით მადრიდის "რეალში" სიმშვიდემ დაისადგურა და ყველაფერი თავის ადგილას სულ მალე დადგება."

"ლუკა მოდრიჩის დაბრუნებამ კლუბის პოტენციალი გააორმაგა, ამას დაემატა სერხიო რამოსის ტრავმის მოშუშებაც. ორივე მათგანი "ელ კლასიკოში" მონაწილეობას მიიღებს. ანჩელოტის გუნდი ხორვატისა და ესპანელის გარეშე საკუთარ თავს არ ჰგავდა."

"დასანანია, რომ ფორმის პიკში მყოფი ხამეს როდრიგესი ტრავმირებულია და გუნდის დახმარებას ვერ ახერხებს, მაგრამ ისკო ალარკონი მისი იდეალური შემცვლელია."

"ლიონელ მესი ბრწყინავს, ის ყველა მატჩში გოლის გატანას ახერხებს, თანაც არაერთის. სწორედ ამიტომ მოექცა არგენტინელი ფეხბურთელი ბომბარდირთა დავის პირველ პოზიციაზე. მას პიჩიჩის მოგების ყველაზე დიდი შანსი აქვს, მაგრამ არავის დაავიწყდეს კრიშტიანო რონალდუ, რომელიც ბოლომდე იბრძოლებს."

"ყველა სიკეთესთან ერთად მადრიდში ბეილის უკეთეს მდგომარეობაზეც აპელირებენ. უელსელ ფეხბურთელს "ლევანტესთან" გატანილი ორი გოლი ფსიქოლოგიურად ძალიან დაეხმარა."

"ეჭვი არ მეპარება, "ნოუ კამპზე" აქტიურ "BBC"-ს ვიხილავთ, რომელიც მრავალსვლიანი კომბინაციებით გაგვანებივრებს."