მიუნხენის "ბაიერნის" ვარსკვლავმა, ფრენკ რიბერიმ კლუბთან კონტრაქტის გახანგრძლივებაზე უარი განაცხადა. შესაბამისად "რეკორდმაისტერს" ის ან ამ ზაფხულს დატოვებს, ან იქ კიდევ ერთი წლით დარჩება და 2011 წლის ივლისში სხვა გუნდში უკვე თავისუფალი აგენტის სტატუსით გადავა.

ძნელად სავარაუდოა, რომ მიუნხენელები მოვლენების ამ უკანასკნელ განვითარებას დათანხმდნენ, ამიტომ ფრანგი ფეხბურთელის გაყიდვაზე თადარიგს უკვე ამ ზაფხულს დაიჭერენ. შეგახსენებთ, რომ რიბერით დაინტერესებულნი "ჩელსი" და "რეალი" არიან, მისი სავარაუდო ღირებულება კი 55 მილიონ ევროს შეადგენს.

თავად რიბერის კი უნდა ”რეალში” თამაში, მან ბევრჯერ ისაუბრა ამაზე და უფრო მეტიც,მან განაცხადა, რომ ”რეალში” თამაში მისი ბავშობის ოცნებაა.

ინფორმაციის წყარო:fcbayern.com
სტატიის ავტორი:buxu