გუშინ "ლევანტეს" დამარცხების შემდეგ მარსელო საუკეთესო სამეულში მოხვდა.

ბრაზილიელი მცველი უკვე მერვე წელია მადრიდის "რეალის" ღირსებას იცავს. მის ანგარიშზე თავი მოიყარა 161-მა გამარჯვებამ ლა ლიგის ეგიდით ჩატარებული მატჩების მიხედვით. იგი მესამე პოზიციას იკავებს ამ მაჩვენებლით პრიმერა დივიზიონის ისტორიაში მოასპარეზე ლეგიონერებს შორის.

მარსელომ "ლევანტესთან" მოპოვებული გამარჯვებით უკან მოიტოვა სანტამარია. მის წინ კი არიან "ბლანკოსის" ლეგენდები, ალფრედო დი სტეფანო 191 გამარჯვებით და რობერტო კარლოსი 211 გამარჯვებით.

საერთო ჯამში ლა ლიგაში მადრიდელთა მეთორმეტე ნომერმა 222 შეხვედრა ჩაატარა და 15 გოლის გატანა შეძლო.

Realmadrid.com