ტონი კროოსმა მიმდინარე სეზონში პრიმერა დივიზიონში ჩატარებულ ყველა მატჩში მიიღო მონაწილეობა.

გერმანელმა ნახევარმცველმა შესაძლო 2,340 წუთიდან, მწვანე მინდორზე 2,263 წთ. გაატარა. ანჩელოტის გადაწყვეტილებით, ტონი იმსახურებს დასვენებას. სწორედ ამიტომ "ლევანტესთან" მატჩში იგი თადარიგში დარჩება და მინდორზე მხოლოდ იმ შემთხვევაში გამოვა, თუ მოვლენები გეგმის მიხედვით არ განვითარდება და გუნდს გაძლიერება დასჭირდება.

კროოსის ადგილს ძირითად შემადგენლობაში მადრიდის "რეალის" ახალგაზრდა ბრაზილიელი ახალწვეული ლუკას სილვა დაიკავებს. იგი ჯერ კიდევ გადის ადაპტაციის პერიოდს, თუმცა გასული შეხვედრებიდან გამოჩნდა, რომ იგი არაფერს უფრთხის და თავისუფლად თამაშობ.

სილვა არ ერიდება მოედნის შუაგულში ორთაბრძოლებს, გრძელ დიაგონალურ გადაცემებს და შორეულ დარტყმებს. ერთადერთი მინუსი, რაც ლუკასს მოეძებნა, არის ის, რომ მას არ აქვს სამეფო კლუბში თამაშის გამოცდილება. ამ მინუსის გამოსწორებას კი კარლო ანჩელოტი უკვე იწყებს.

Marca.com