სერხიო რამოსის განცხადებით, მადრიდის "რეალის" გასახდელში გუნდი ერთიანდება და პრობლემების გადაჭრაზე ერთად მსჯელობენ.

"ბოლო წლებში გასახდელში ბევრი რამ მოხდა. ერთად არაერთი სირთულე გადაგვილახავს და ეს უზომოდ მაბედნიერებს. სწორედ მაშინ იგრძნობა გუნდური სულისკვეთება. უკანასკნელი ორი სეზონი უნიკალური იყო, რადგან თითქმის ყოველი დღე მხოლოდ შრომაზე და თავდადებაზე ფიქრში გავატარეთ."

"ყველაფრის მიუხედავად ჩვენ ვაგრძელებთ იმის კეთებას, რაც გვევალება. ბოლომდე ვიბრძოლებთ და დარწმუნებული ვარ მდგომარეობას გამოვასწორებთ. რაც არ უნდა მოხდეს, არავის მივცემთ იმის უფლებას, რომ ჩვენ და ჩვენს გულშემატკივარს სახიდან ღიმილი მოაცილოს."

"ერთი სიტყვით, გასახდელში გასაოცარი ატმოსფეროა და პირობას გაძლევთ, რომ სეზონს დიდი გამარჯვებებით დავასრულებთ."

Eurosport.com