მოგეხსენებათ, მადრიდის "რეალის" ბრაზილიელი ნახევარმცველი კაზემირო, პორტუგალიის ჩემპიონატში ასპარეზობს და საკმაოდ მაღალ დონეზე ავლენს საკუთარ შესაძლებლობებს...

კაზემიროს პორტომ უპრობლემოდ დაამარცხა შვეიცარიული "ბაზელი" და ჩემპიონთა ლიგის 1/4 ფინალში გავიდა. პორტუგალიური კლუბი 8 საუკეთესო კლუბს შორისაა.

ბრაზილიელი შუახაზელის დამსახურება ძალიან დიდია, ის ულამაზეს გოლებს იტანს და საკმაოდ საიმედიო მოედნის ცენტრში. "პორტოს" თამაშები მადრიდელი ფეხბურთელის გარეშე ფაქტობრივად, წარმოუდგენელიც გახდა.

ABC-ს ინფორმაციით ზამთრის სატრანსფერო ფანჯრის დროს ფლორენტინო პერესი კაზემიროს დაბრუნებას გეგმავდა, მაგრამ კარლო ანჩელოტისგან რადიკალური უარი მიიღო, ვინაიდან იტალიელის აზრით ის პორტუგალიაში საკმაოდ დიდ გამოცდილებას აგროვებდა, "ბლანკოსში" თამაშის საშუალება კი ვერ მიეცემოდა, მითუმეტეს იმ ფონზე, როდესაც "კრუზეიროდან" ლუკას სილვა გადმოვიდა.

ნახევარდაცვაში შექმნილმა პრობლემებმა ანჩელოტის გადაწყვეტილება ანანა.

ზაფხულის სატრანსფერო ფანჯრის დროს კაზემიროს "მერენგების" შემადგენლობაში დაბრუნების შანსი კიდევ უფრო გაიზარდა, თანაც ფეხბურთელმა ერთ-ერთ ინტერვიუში განაცხადა, რომ დიდი სიამოვნებით მოირგებდა თეთრ მაისურს.