"ას"-ის რედაქტორის, საფეხბურთო ექსპერტის, ალფრედო რელანოს განცხადებით, გარეთ ბეილი მადრიდის "რეალის" სასტარტო შემადგენლობაში თამაშს არ იმსახურებს...

"არ ვიცი რას ფიქრობს ანჩელოტი, მაგრამ მე ვთვლი, რომ გარეთ ბეილი მადრიდის "რეალში" საერთოდ არაფერს აკეთებს და სასტარტო შემადგენლობაში გამოსვლას არ იმსახურებს. მგონი სჯობს იტალიელმა სპეციალისტმა გადახედოს ტაქტიკას და 4-3-3 , 4-4-2 სქემით შეიცვალოს და სასტარტოში თამაშის საშუალება ილიარამენდის, ხედირას ან რომელიმე სხვა ფეხბურთელს მიეცეს."

"მადრიდის "რეალმა" პრესტიჟი უნდა აღიდგინოს, ამის ბრწყინვალე შანსი დედაქალაქელებს "ბარსელონასთან" მიეცამათ, მაგრამ თამაშის რადიკალურად შეცვლაა საჭირო."

"კასილიასმა კარგად ვერ ითამაშა, მაგრამ ბევრ მომენტში ნამდვილად იხსნა გუნდი გაშვებული გოლისგან. ვფიქრობ, ლუის ენრიკეს გუნდთან კეილორ ნავასის თამაში გამორიცხულია, კლუბს აუცილებლად იკერი უკაპიტნებს."

"მოდრიჩის დაბრუნება ნამდვილად იძლევა ოპტიმიზმის საფუძველს, არ ვიცი რა მდგომარეობა იქნება რამოსთან დაკავშირებით."