კარლო ანჩელოტის მომავალი ჯერ-ჯერობით გაურკვეველია. გუნდი იმდენად ცუდ ფეხბურთს თამაშობს, რომ შესაძლოა იტალიელი სპოეციალისტი ზაფხულში დაკავებული თანამდებობიდან გაანთავისუფლონ.

ზემოთ აღნიშნული ინფორმაციიდან გამომდინარე, ყველაზე აქტუალურ საკითხად ახლა მადრიდის "რეალში" ანჩელოტის შემცვლელის მოძებნა არის. ყველაზე დიდი ალბათობით, კლუბის მთავარი მწვრთნელის პოსტს ზინედინ ზიდანი დაიკავებს, რომელიც ამჟამად "კასტილიას" წვრთნის.

ზიზუმ რამდენიმე ფრანგული კლუბისგან მიიღო შემოთავაზება, თუმცა ყველა უარით გაისტუმრა. ეს ფაქტი იმაზე მეტყველებს, რომ ზიდანს უკვე დიდი ხანია მიზნად აქვს დასახული სამეფო კლუბის მთავარი მწვრთნელის თანამდებობის დაკავება.

მადრიდის "რეალის" პრეზიდენტის, ფლორენტინო პერესის განცხადებით, ზინედინი ადრე თუ გვიან "ბლანკოსის" მთავარი დამრიგებელი გახდება და მას ხელს ვერავინ და ვერაფერი შეუშლის. აღსანიშნავია, რომ "კასტილიას" კრიზისიდან გამოყვანის შემდეგ ზიზუმ პერესის გული მოიგო და სრული ნდობა მოიპოვა.

Defensacentral.com