კარლო ანჩელოტიმ ჩემპიონთა ლიგის მომავალ მატჩზე ისაუბრა საპრესკონფერენციო დარბაზში.

„გულწრფელად გეტყვით, რომ ბეილის, ბენზემასა და რონალდუს ტრიოს საკითხი არ გადაიხედება.ისინი ხელშეუხებელნი არიან, რამეთუ ძალიან ბევრს აკეთებენ გუნდისათვის.წარუმატებელი ასპარეზობა მხოლოდ მათ კისერზე არ არის.თანაგუნდელებიც სათანადოთ ვერ ეხმარებოდნენ შეტევას.“

„რა თქმა უნდა, სათამაშო ტაქტიკაც უცვლელი დარჩა.ფეხბურთელები კომოფრტულად გრძნობენ თავს 4-3-3-ის პირობებში.“

„ბილბაოში ჩატარებული უნიათო დაპირისპირების შემდეგ, ფეხბურთელებთან საუბარი მქონდა.მათ ყველა ის სირთულე დავანახე, რასაც გადავაწყდით და დარწმუნებული ვარ, ყველაფერი კარგად გაიგეს.ჩვენ სრულად ვაანალიზებთ პრობლემებს და თითოეული შეხვედრა მის გამოსასწორებლად უნდა გამოვიყენოთ.“

„როგორც უკვე გითხარით, პრობლემა იმაში მდგომარეობს, რომ ძალიან დიდ დროს ვატარებთ ბურთთან და სწრაფად არ ვთამაშობთ.საჭიროა რამდენიმე შეხებით ასპარეზობა.“

„კროოსის უფერული თამაში დაღლილობის ბრალი არ არის.ის არასწორად გაისარჯა ტექნიკური თვალსაზრისით, თუმცა ყველაფერი გამოსწორდება.“

„ბეილი? თითოეული ფეხბურთელის შედეგიანობას რომ გავუსვათ ხაზი, მაშინ მთლიანი გუნდი უნდა გამოვცვალო.უელსელი სასტარტო შემადგენლობაში იასპარეზებს და გაუმჯობესებას ეცდება.“

„„ელ კლასიკომდე“ 3 თამაში გვაქვს ჩასატარებელი.ვიმედოვნებ, „შალკესა“ და „ლევანტეს“ წინააღმდეგ სათანადო განწყობას შევიქმნით და თავდაჯერებულნი გავემგზავრებით ბარსელონაში.“

„როდესაც ხესე შემოდის მწვანე მინდორზე, ავტომატურად გადავდივართ 4-3-3დან 4-4-2ზე.“

„ოდეგარს სარგებელო მოაქვს „კასტილიასთვის.“ჯერჯერობით არ ვიცი, როდის შედგება მისი დებიუტი მთავარ გუნდში.“

„ხედირა და მოდრიჩი ხვალინდელი პაექრობის განაცხადში მოხვდებიან, ხოლო რამოსი „ლევანტესთან“ დაბრუნდება.“

„როდესაც გუნდი ცუდად თამაშობს, მწვრთნელია პასუხისმგებელი.“

„მოდრიჩი სათადარიგოდან დაიწყებს მატჩს.ის მეორე ტაიმში, ბოლო 30 წუთს გაატარებს საქმეში.“

„პერესმა რამდენჯერმე დამირეკა და სრული მხარდაჭერა გამომიცხადა.კლუბი ჩემ გევრდით დგას.“

AS