კარლო ანჩელოტის გადაწყვეტილებით, "ბილბაოსთან" მომქანცველი თამაშის შემდეგ მადრიდის "რეალის" ფეხბურთელებს დასვენების საშუალება არ მიეცათ...

კოლექტივი "ვალდებებასზე" შეიკრიბა და "შალკესთან" დაპირისპირებისთვის მზადება დაიწყო.

ვარჯიშის მთავარი სიახლე ის იყო, რომ სერხიო რამოსი კოლექტივს შეუერთდა და დატვირთვა მიიღო, თუმცა მისი ჩემპიონთა ლიგაზე დაბრუნება ფაქტობრივად წარმოუდგენელია.

რამდენიმე ფეხბურთელი, რომლებმაც ბასკებთან მატჩში მონაწილეობა მიიღეს დახურულ კარს მიღმა აღდგენითი პროცესებით იყვნენ დაკავებულნი, დანარჩენები კი ზედმიწევნით ასრულებდნენ მთავარი მწვრთნელის მითითებებს.

ხამეს როდრიგესი კვლავაც აღდგენით პროცესს გადის, კოლუმბიელი ფეხბურთელი ჯერ-ჯერობით ვერ მოახერხებს გუნდის დახმარებას.

მეკარეთა მწვრთნელი ვილიამ ვეკი იკერ კასილიასის, კეილორისა და პაჩეკოს წვრნით იყო დაკავებული.

ანჩელოტიმ დიდი ყურადღბა დაუთმო ბურთის ფლობას და სხვადასხვა კომბინაციების დახვეწას.