მას შემდეგ, რაც მანჩესტერ "იუნაიტედში" ანხელ დი მარიას არაერთი პრობლება შეექმნა, არაერთი ინფორმაცია გავრცელდა არგენტინელის ინგლისიდან აბარგების თაობაზე...

გარეთ ბეილის თამაში კი ვერანაირ კრიტიკას ვერ უძლებს. ფეხბურთელი, რომელშიც 100 მილიონი ევროა გადახდილი, თამაშიდან თამაშამდე მომატების ნაცვლად აშკარა რეგრესს აჩვენებს.

ესპანელი ექსპერტი მანოლო ლამა კი საკმაოდ საინტერესო შედარებას აკეთებს, რომლის მიხედვითაც გარეთ ბეილის სცენარი ზუსტად იბრაჰიმოვიჩის "ბარსელონაში" გადასვლას ჰგავს. შვედი ექსტრა-კლასის ფორვარდია და ამას დღესაც ამტკიცებს, მაგრამ კატალონიაში ფეხი ვერ მოიკიდა, ანალოგიურ სიტუაციაშის გარეთიც, რომელიც უკვე წელიწადნახევარია "ბლანკოსის" ღირსებას იცავს, მაგრამ თითზე ჩამოსათვლელი მატჩები იყო ისეთი, სადაც შემტევი მოწოდების სიმაღლეზე იდგა.

ინგლისში უკვე სერიოზულად საუბრობენ იმაზე, რომ ანხელ დი მარია მადრიდის "რეალში" დაბრუნდება და მის ადგილს "იუნაიტედში" სწორედ გარეთ ბეილი დაიკავებს.

ვან გაალს ბეილი ძალიან მოსწონს და თვლის, რომ ის სწორედ ბრიტანული ფეხბურთისთვის არის დაბადებული, ანხელმა კი "რეალში" ყველას დაუმტკიცა, რომ "მერენგების" სტილის მოთამაშეა.

რამდენად მოხდება გარიგება მეორე საკითხია, რადგან დი მარიამ "ბლანკოსი" ხმაურით დატოვა, თუმცა ექსპერტების აზრით გაცვლა ორივე გუნდისთვის წარმატების მომტანი იქნება.