სამეფო კლუბის ინსტიტუციონალური ურთიერთობების დირექტორის, ემილიო ბუტრაგენიოს განცხადებით, მადრიდის "რეალმა" ფატალური მარცხი განიცადა...

"ბასკებთან სათამაშოდ 3 ქულის გამო ჩამოვედით. მერწმუნეთ, სამეფო კლუბმა ძალიან მნიშვნელოვანი ქულები დაკარგა, პირველი ადგილი კითხვის ნიშნის ქვეშ დადგა. მატჩის პირველ ტაიმში გარკვეული მომენტები იყო, თუმცა ადურისის გოლმა ყველაფერი თავდაყირა დააყენა და "ბილბაოც" დაცვაში ჩადგა, რამაც ჩვენი ამოცანა კიდევ უფრო გაართულა."

"არ ვიცი არსებობს თუ არა პრობლემები თავდასხმაში, მაგრამ ბენზემას, ბეილს და კრიშტიანო რონალდუს გაცილებით ეფექტურად თამაშიც შეუძლიათ. მათ ინერტულობა ნამდვილად არ ეტყობოდათ, მაგრამ გაღებული ძალისხმევა საკმარისი არ აღმოჩნდა."

"დაცვაში "ატლეტიკმა" სამაგალითო თამაში შემოგვთავაზა და დამსახურებულად ჩაიწერა აქტივში სამი ქულა."

"როდესაც გუნდი იმარჯვებს, ჩვენ ყველა ვიმარჯვებთ, როდესაც აგებს, მათი მარცხიც უნდა გავიზიაროთ და მხარდაჭერა გაორმაგებულად ვაჩვენოთ, სხვგვარად შედეგი ვერ მიიღწევა."

"კარლო ანჩელოტის გუნდის ხელმძღვანელობისგან სრული მხარდაჭერა აქვს, ის საკუთარ გადაწყვეტილებებში დამოუკიდებელია და იცის თუ როორ მართოს კოლექტივი."

"შედეგებით კმაყოფილი არ ვარ. 2015 წელი მადრიდული გიგანტისთვის სახარბიელოდ ნამდვილად არ დაწყებულა, ბევრი მატჩი წავაგეთ და მოწოდების სიმაღლეზე არ ვდგავართ."

"გუნდს ნამდვილად აქვს იმის პოტენციალი, რომ გულშემატკივრებს მოპოვებული ტიტულებით სიხარული მიანიჭოს."

"კატალონიელებთან დაპირისპირება ახლოვდება, მაგრამ ჯერ "შალკეზე" ვფიქრობთ, შემდეგ კი "ლევანტესთან" გვაქვს უძლიერესის ვინაობა გასარკვევი."