მარსელო ყურადღებით მიადევნებს თვალს ბრაზილიის კონფედერაციის ვებგვერდს, როდესაც დუნგა ნაკრების განაცხადს დაასახელებს მოახლოვებული მატჩებისათვის.

როგორც იცით, მუნდიალის დასრულების შემდეგ, „სელესაო“ დუნგამ ჩაიბარა, რომელიც, ჯერჯერობით, არ სწყალობს სამეფო კლუბის მარჯვენა მცველს.ახალი დამრიგებლის თაოსნობით, „ყვითლებმა“ რამდენიმე პაექრობა ჩაატარეს, თუმცა მარსელო მხოლოდ ტელვიზორის წინ ქომაგობდა თანაგუნდელებს.

მიმდინარე თვის ბოლოს, ბრაზილიელები საფრანგეთსა და ჩილეს შეერკინებიან ამხანაგურად.მომდევნო დღეები მეტად მნიშვნელოვანია მომღიმარი ბიჭისათვის, რამეთუ თუ დუნგამ კვლავ უარი თქვა მასზე, ფაქტობრივად, ზაფხულში გასამართ „კოპა ამერიკაზე“ გამგზავრების ოცნება, ოცნებად დარჩება.

ვნახოთ, რა გადაწყვეტილებას მიიღებს დუნგა.იმედია, არც მისთვის დარჩება შეუმჩნეველი ფეხბურთელის ბოლო დროინდელი პროგრესი.

MARCA