ცნობილმა გამოცემამ "El Confidencial" საინტერესო ანალიზი შემოგვთავაზა, რომლის მიხედვითაც "რეალის" მთავარი მწვრთნელის პრობლემები მარტის თვეში აუცილებლად მოგვარდება...

ტრავმები, ტრავმები, ტრავმები. რთულია მაღალი დონის ფეხბურთელების გარეშე თამაში, მაგრამ ეს მადრიდის "რეალია", სადაც სულ მოგებას გთხოვენ.

ლუკა მოდრიჩს გუნდის საკვანძო ფიგურაა, სწორედ ხორვატი წარმართავს "თეთრების" შეტევებს, ის საუკეთესო ნახევარმცველი და ორგანიზატორია.

მარტის თვეში ყველაფერი თავის ადგილზე უნდა დადგეს, რადგან გუნდში ბრუნდებიან ლუკა და სერხიო რამოსი. "ელ კლასიკოში" მხოლოდ ხამეს როდრიგესი არ იქნება. 3 კვირაში მოდრიჩმა სასურველ კონდიციაში ჩადგომა უნდა მოასწროს, რამოსს კი ბევრი მუშაობა მართებს.

მიმდინარე თვე როგორც სჩანს გადამწყვეტი იქნება, გუნდს "კლასიკოს" გარდა ჩემპიონთა ლიგის განმეორებითი მატჩიც აქვს სათამაშო, დედაქალაქელთა გასვლაში ეჭვი არავის ეპარება, მაგრამ 1/4 ფინალი ძალიან რთული იქნება.