მადრიდის "რეალის" ირგვლივ ახალ-ახალი ინფორმაციები არ წყდება...

Le10Sport იტყობინება, რომ ზაფხულში კრიშტიანო რონალდუს შესაძენად ფრანგული "პსჟ" და ინგლისური მანჩესტერ "სიტი" 120 მილიონ ევროს გამოყოფენ.

მიუხედავად იმისა, რომ პორტუგალიელი ფეხბურთელი "რეალის" უდავო ლიდერია, მას უკვე 30 წელი შეუსრულდა, მისი წლოვანების ფეხბურთელში კი 120 მილიონი არც ისე პატარა ციფრი გახლავთ, ამიტომ არ არის გამორიცხული პრეზიდენტი ფლორენტინო პერესი დაფიქრდეს და შვიდიანის სანაცვლოდ მიღებული თანხით ორი უმაღლესი კლასის ფეხბურთელი დაიმატოს.

რონის არაერთხელ განუცხადებია, რომ ინგლისში "მანჩესტერის" გარდა არცერთ კლუბში არ ითამაშებს, აქედან გამომდინარე პარიზელებს გაცილებით მეტი შანსი აქვთ, თანაც ისინი კრიშტიანოს ყველა დროის ყველაზე მაღალანაზღაურებად ფეხბურთელად გახდიან.

დაველოდოთ მოვლენათა განვითარებას...