55 მილიონი აგუეროს სანაცლოდ?
სამეფო გუნდის ხელმძღვანელობა სერიოზულად არის დაინტერესებული მადრიდის ატლეტიკოს ახალგაზრდა არგენტინელი ფორვარდის, კუნ აგუეროს შეძენით...
დღეს გავრცელებული ინფორმაციით პრეზიდენტი ფლორენტინო პერესი მზადაა ,,როხიბლანკოს" მესვეურებს 55 მილიონი ევრო შესთავაზოს ახალგაზრდა ვარსკვლავის სანაცვლოდ.
მოგეხსენებათ დიდი აჟიოტაჟია ატეხილი რუუდ ვან ნისტელროის რეალიდან წასვლის შესახებ. ჰოლანდიელ ფეხბურთელს მსოფლიოს ჩემპიონატზე თამაში სურს, ამისთვის კი მას სათამაშო პრაქტიკა ჭირდება, რომელიც ,,ბლანკოსში" არ აქვს.
ვან გოლის შეძენის მსურველი არაერთი კლუბია, მათ შორის არის ინგლისის ლივერპული, რაფაელ ბენიტესს ძალიან სურს ფორვარდის დამატება, რომელიც პარტნიორობას გაუწევს ესპანელ ფერნანდო ტორესს.
ნისტელროის წასვლის შემთხვევაში სამეფო კლუბში რჩება სამი თავდამსხმელი. კარიმ ბენზემა, გონსალო იგუაინი და რაული, რომელიც ძალიან ცუდ ფორმაშია. იმისათვის, რომ პრობლემები არ შეიქმნას თავდასხმაში, რეალს სურს წინა ხაზის აგუეროთი გაძლიერება, არგენტინელი მსოფლიოს ამომავალ ვარსკვლავად ითვლება და რეალისთვის დიდი სამსახურის გაწევა შეუძლია.
ჯერჯერობით არაფერია ცნობილი, თუმცა ცივი იანვარი, სატრანსფერო ფანჯრის ცხელ თვედ იქცევა.
- 30 დეკემბერი 2009
- 2 209
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
