"ელჩეს" დამარცხებით, კარლო ანჩელოტის გუნდმა მორიგი სამი ქულა ჩაიწერა აქტივში და პრიმერა დივიზიონის ცხრილს უკვე 60 ქულით ლიდერობს. "ბლანკოსის" ფეხბურთელებმა 24 შეხვედრიდან 20 მოიგეს, 4-ში კი დამარცხდნენ, გუნდს ჯერ-ჯერობით ფრე არ დაუფიქსირებია...

გუშინ "ბარსელონამ" საშინაო არენაზე "მალაგასთან" დაკარგა 3 ქულა და "მერენგებს" დიდი შანსი მიეცათ, რომელიც გამოიყენეს კიდეც. უახლოეს მდევართან 1 ქულიანი სხვაობა ოთხამდე გაიზარდა.

პრიმერას დასრულებამდე 14 ტურია დარჩენილი, დედაქალაქური კლუბი კი საკმაოდ კომფორტულად არის განლაგებული პირველ პოზიციაზე.

მესამეადგილოსან "ატლეტიკოსთან" სხვაობა კვლავაც 7 ქულას შეადგენს.