"ელჩეს" მცველის, დავიდ როდრიგეს ლომბანის განცხადებით, მადრიდის "რეალის" შემადგენლობიდან ყველაზე სახიფათო არა კრიშტიანო რონალდუ, არამედ გარეთ ბეილი გახლავთ...

"მძიმე მატჩი გველის, მაგრამ საკუთარი გულშემატკივრების იმედი გვაქვს. საშინაო არენაზე "ელჩეს" ყოველთვის აქვს შანსი."

"კარლო ანჩელოტის თავდასხმა მსოფლიოში ცნობილია. ბეილი, ბენზემა და რონალდუ შესანიშნავ ტრიოს ქმნიან და მათ ანგარიშზე არაერთი გოლია."

"პორტუგალიელი ვარსკვლავი სახიფათოა, მაგრამ სივრცეებს ყოველთვის გარეთ ბეილი ათავისუფლებს, უელსელთან მიმართებაში დიდი ყურადღებით თამაში გვმართებს, სხვგავარად ფიასკო გარდაუვალია."

"ლა ლიგის ქვედა ზონში სიმჭიდროვეა. მე-17 ადგილზე ვართ, მაგრამ მე-12 ადგილოსანს მხოლოდ სამი ქულა გვაშორებს, მაგრამ ამასთანავე აღსანიშნავია "გრანადა" და "ლევანტე", რომლებთანაც მხოლოდ 4 ქულიანი სხვაობა გვაქვს, ისინი კი გასავარდნ ზონაში არიან. რამდენიმე პაექრობის მოგება გვჭირდება იმისათვის, რომ პრიმერაში ადგილი შევინარჩუნოთ."

"მიმდინარე სეზონში 6-ჯერ მოვახერხეთ აქტივში სამი ქულის ჩაწერა. იმედი მაქვს, 24-ე ტურის შემდეგ სენსაცია დაფიქსირდება და "რეალს" 3 ქულას წავართმევთ."