"ვილიარეალში" განათხოვრებული რუსი ფეხბურთელის, დენის ჩერიშევის განცხადებით, ის პატივს სცემს "ყვითელ წყალქვეშა ნავს" და სამეფო კლუბზე საუბრის უფლება არ აქვს...

"კარგია , თუ ფლორენტინო პერესი ჩემი პერსონით ინტერესდება, მაგრამ "ბლანკოსზე" კომენტარს ვერ გავაკეთებ, რადგან პატივს ვცემ კლუბს, სადაც ახლა გამოვდივარ. ალბათ უადგილოა "რეალში" გადასვლაზე ლაპარაკი, რადგან სეზონის დასრულებამდე უმნიშვნელოვანესი მატჩები გვაქვს გასამართი."

"მაქსიმუმს ვაკეთებ უკეთეს კონდიციაში შესასვლელად, საკუთარი თავით კმაყოფილი ვარ და ვცდილობ არ გავჩერდე და პროგრესი ვაჩვენო. როდესაც დრო იქნება, სატრანსფერო საკითხებზე ვიფიქრებ" - აცხადებს ახალგაზრდა გარემარბი.