ბრიტანულ საინფორმაციო წყაროებზე დარდნობით, მანჩესტერ "იუნაიტედის" თავკაცი, ლუის ვან გაალი რაფალ ვარანზე შეყვარებულია და ახალგაზრდა უკანახაზელის საკუთარ გუნდში ხილვა სურს...

The Mirror-ის ცნობით, "წითლებს" რაფაელის სანაცვლოდ 30 მილიონი ევრო აქვთ ზამზადებული და ზაფხულში სერიოზული მოლაპარაკებების დაწყებას გეგმავენ.

რამდენად მოახერხებს "იუნაიტედი" სამეფო კლუბთან მოლაპარაკებებს მეორე საკითხია, მაგრამ არსებობს კიდევ ერთი პრობლემა სახელად "ჩელსი" და მისი მთავარი მწვრთნელი ჟოზე მოურინიო. "არისტოკრატებს" ვარანის სანაცვლოდ 42 მილიონი ჰქონდათ გამზადებული, მაგრამ მოლაპარაკებები ვერ შედგა. მეორე რაუნდი კი ჯერ-ჯერობით დაგეგმილი არ არის.

ამასთანავე იტალიაში ვრცელდება არაერთი ინფორმაცია იმის შესახებ, რომ "ნაპოლის" ნაჩოს დამატება სურს და სატრანსფერო ფანჯრის გახსნისთანავე იწყებს მოლაპარაკებებს. ნეაპოლელები ესპანელ მცველს ძირითად შემადგენლობაში გარანტირებულ ადგილს და უკეთეს სახელფასო პირობებს შესთავაზებენ. ტრანსფერის ღირებულებაზე ჯერ-ჯერობით საუბარი არ მიმდინარეობს.