ბერნდ შუსტერი ჩემპიონთა ლიგის 1/8-ის მატჩს გამოეხმაურა, რომელსაც "შალკე" სამეფო კლუბის წინააღმდეგ გამართავს...

"ჩემპიონთა ლიგა ის ტურნირია, სადაც ფავორიტი არ არსებობს, რადგან ყველა გუნდი გაასმაგებული ძალებით იბრძვის, მაგრამ ჩემი აზრით გერზენკირხენელების შანსი მინიმალურია. არ მსურს თანამემამულეებს ვაწყენინო, მაგრამ კარლო ანჩელოტის გუნდს უდავო ფავორიტად მივიჩნევ. ამ ეტაპზე "ბლანკოსი" "შალკეზე" ბევრად მაღლა დგას."

"ბუნდესლიგის უდავო ლიდერი მიუნხენის "ბაიერნი" გახლავთ. ამ გუნდის დონეს ჯერ-ჯერობით ვერც "ლევერკუზნმა" მიაღწია და ვერც "შალკემ", აღარ მაქვს საუბარი "ჰამბურგსა" და "დორტმუნდზე", რომლებიც თავის დროზე მაღალ დონეზე იდგნენ, თუმცა რეგრესი განიცადეს."

"არ ვფიქრობ, რომ შარშანდელი შედეგის განმეორება იოლი იქნება, მაგრამ 2 მატჩის ჯამში უდავო ფავორიტი "რეალია". სამეფო კლუბი საუკეთესო ფორმისგან აშკარად შორს არის, მაგრამ ფეხბურთელთა კლასი საკმარისია იმისაშთვის, რომ "შალკე04"-ის ბარიერი დაძლეული იქნას."