კარლო ანჩელოტი დაცვის ცენტრის სათადარიგო წყვილის შეთამაშებას გეგმავს.

ნაჩო და ვარანი პრიმერა დივიზიონის გასულ მატჩში "ატლეტიკოსთან" ძირითად შემადგენლობაში იყვნენ. მართალია "ბლანკოსი" გამანადგურებელი ანგარიშით დამარცხდა "როხი-ბლანკოსთან", თუმცა აღსანიშნავია, რომ ახალგაზრდა ფრანგი და ესპანელი მცველების დუეტმა მაინც დამაკმაყოფილებელი შთაბეჭდილება დატოვა.

ანჩელოტი განსაკუთრებით კმაყოფილია ფერნანდესის ასპარეზობით. იტალიელი სპეციალისტის განცხადებით, იგი ახალგაზრდა მცველს უფრო დიდ ნდობას უცხადებს, ვიდრე აქამდე. კარლიტოს ვარანის იმედი მუდამ ჰქონდა და გასაკვირი არც არის ის ფაქტი, რომ დღეს სასტარტოში სწორედ მას ვიხილავთ.

მადრიდის "რეალის" მთავარმა მწვრთნელმა განიზრახა სამეფო კლუბის შემადგენლობისთვის სამომავლოდ სწორედ ვარანის და ნაჩოს დუეტი შეამზადოს. კარლოს განცხადებით, ორივე მოთამაშე რამდენიმე წელიწადში "თეთრების" შეუცვლელი ფეხბურთელები გახდებიან.

Defensacentral.com