Cadena COPE– სთან ინტერვიუში, კატალონიის "ბარსელონას" ფეხბურთელმა მადრიდის "რეალის" პორტუგალიელ გოლეადორ კრიშტიანუ რონალდუზე ისაუბრა.

"რა თქმა უნდა, რონი აუცილებლად აღიდგენს ფორმას და გუნდის დახმარებას განაგრძoბს. კრიშტიანუსთან ძალიან კარგი ურთიერთობა მაქვს, "მანჩესტერში" მასთან სამი დიდებული წელი გავატარე."

"ჩემს კარიერაში ბევრ უძლიერეს ფეხბურთელებთან მითამაშია, თუმცა რონალდუს და მესის გამოვყოფდი, რადგან ისინი შრომისუნარიანობითა და არანორმალური პროფესიონალიზმით გამოირჩევიან. ლეო ჩემი დიდი მეგობარია, რომელთანაც "ბარსელონაში" არაერთი ტიტულის მოპოვება შევძელი."

"მადრიდული ტრიო (BBC) ძალიან სახიფათოა მოწინააღმდეგე გუნდისათვის. კარიმ ბენზემა და გარეთ ბეილი კრიშტიანუს შესანიშნავად უგებენ, შედეგი კი სახეზეა."

"მადრიდის "რეალი" დიდებული გუნდია, არ აქვს მნიშვნელობა უდგას თუ არა "ბლანკოსს" ცუდი დროება, 'თეთრები' მუდამ არასასურველ მეტოქეთა რიცხვს მიეკუთვნება."

"ატლეტიკოს" გამობრწყინებამ "ლა ლიგა" ძალიან საინტერესო გახადა. ჩემპიონობისთვის ბრძოლა გრძელდება."


ინფორმაციის წყარო: defensacentral