სეზონის სტარტზე, სექტემბერში, მადრიდული დერბის წაგების შემდეგ, ანჩელოტის დამოძღვრილებმა დიდებული სერია გამოძერწეს.

არც მეტი არც ნაკლები, „რეალმა“ ზედიზედ 22 თამაში მოიგო და აღნიშნულ კომპონენტში მსოფლიოს საუკეთესო შედეგს, მხოლოდ 2 გამარჯვებით ჩამორჩა.

პრიმერა დივიზიონის მეორე წრეში, „თეთრები“ კვლავ დამარცხდნენ „როხიბლანკოსთან“ და გულშემატკივრები იმედოვნებენ, რომ ამჯერადაც დაიწყებს მათი ფავორიტი გუნდი წარმატებულ სვლას.

ნიშანდობლივია, რომ კარლიტოს შეგირდები ჯერ კიდევ ინარჩუნებენ საკუთარი რეკორდის გამუჯობესების შანსს, რამეთუ ჩ/ლიგის ფინალის ჩათვლით (თუ ასეთი რამ მხოდა), „რეალს“ 23 თამაშის ჩატარება მოუწევს სეზონის ბოლომდე, თუმცა ცხადია, რომ მოვლენების ასეთი განვითარება ფანტასტიკის სფეროდანაა.

როგორც იცით, წლევანდელი ლიგის ფინალი ბერლინში გაიმართება.