16 წლის ნორვეგიელმა ტალანტმა ინტენსიურად დაიწყო ვარჯიში პირველი შემადგენლობის წევრებთან ერთად.

ოდეგარის ტრანსფერის შემდეგ, კლუბის ხელმძღვანელებმა განაცხადეს, რომ სეზონის ბოლომდე, მარტინი „კასტილიაში“ იასპარეზებს, ხოლო ანჩელოტისთან მოემზადება, თუმცა განვითარებულმა მოვლენებმა, შესაძლოა დააჩქაროს მისი ინტეგრაციის პროცესი „რეალის“ მთავარ შემადგენლობაში.

მოგეხსენებათ, სხვადასხვა დაზიანებების გამო, ერთდროულად, იტალიელის რამდენიმე შუახაზელი მოხვდა ლაზარეთში.მოდრიჩისა და ხედირას ტრავმების პარალელურად, სათანადო დონეს ვერ აჩვენებს ილიარამენდი, ხოლო ახალწვეულ ლუკას სილვას კი, გარკვეული დრო ესაჭიროება, რათა აღიდგინოს კონდიციები.შესაბამისად, არ არის გამორიცხული, რომ უახლოეს მომავალში, რომელიმე თამაშის განაცხადში ვიხილოთ ოდეგარი.„მარკას“ ვარაუდით, ანჩელოტი ან „დეპორტივოს,“ ან „შალკეს“ წინააღმდეგ დასვამს მას სათადარიგოზე.

მართალია, ნორვეგიელი ჯერ საკმაოდ პატარაა ასაკით, თუმცა რამდენიმე დღის წინ, ის კლუბის საჩემპიონთალიგო განაცხადში შეიყვანეს.აქედან გამომდინარე, ერთ მშვენიერ დღეს, მარტინსაც ვიხილავთ უფროსი მადრიდისტების გვერდით.

MARCA