მადრიდის "რეალის" ფეხბურთელები დღეს კიდევ ერთხელ შეიკრიბნენ "ვალდებებასზე" და მორიგი ვარჯიში გამართეს...

კარლოს გუნდი ლა კორუნიის "დეპორტივოსთან" მატჩისთვის ემზადება, რომელიც შაბათს გაიმართება. გუნდს მოსამზადებლად მთელი კვირა აქვს, აქედან გამომდინარე სამწვრთნელო შტაბი არაერთ სავარჯიშო ხერხს მიმართავს.

აღსანიშნავია, რომ მთავარ გუნდთან ერთად იყო მარტინ ოდეგარი და კიდევ რამდენიმე კასტილიელი.

რაც შეეხებათ სერხიო რამოსს, პეპეს, მოდრიჩს და ხამეს როდრიგესს, ისინი კვლავაც განაგრძობენ აღდგენით პროცესს.

გუნდი ორად გაიყო და კარლო ანჩელოტის არაერთი დავალება შეასრულა, დიდი მნიშვნელობა მიენიჭა ბურთის კონტროლსა და ფიზიკურ მომზადებას.

იკერ კასილიასი, კეილორ ნავასი და პაჩეკო ვილიამ ვეკისთან ერთად მუშაობდნენ.