მადრიდის "რეალის" ფეხბურთელებმა ლა კორუნიის "დეპორტივოსთან" მატჩისთვის მზადება დაიწყეს...

ფეხბურთელებს საფუძვლიანად მოსამზადებლად საკმარისი დრო აქვთ, რადგან შუა კვირაში თამაში არ უწევთ.

კარლო ანჩელოტიმ გუნდი ორ ნაწილად გაყო და ძირითადი აქცენტი ბურთთან ერთად მუშაობაზე გააკეთა. გოლკიპერები სპეციალურ ვარჯიშებს ატარებდნენ ვილიამ ვეკისთან ერთად.

აღსანიშნავია, რომ რაფალ ვარანი და ასიერ ილიარამენდი დახურულ კარს მიღმა ემზადებოდნენ.

კასტილიელი მარტინ ოდეგარი მთავარ გუნდთან ერთად ირჯებოდა და კარლო ანჩელოტის დავალებებს ასრულებდა.

პეპე, სერხიო რამოსი, ლუკა მოდრიჩი, ხამეს როდრიგესი და ახლა უკვე სამი ხედირაც აღდგენითი პროცესით არიან დაკავებულნი.