მადრიდის "რეალის" მწვრთნელი კარლო ანჩელოტი არგენტინელ ფეხბურთელს აკვირდება.

როგორც მოგეხსენებათ, გასულ ზაფხულს, "თეთრებმა" ხავიერ ერნანდესი გაიფორმა, თუმცა მექსიკელმა ფორვარდმა ფეხი ვერ მოიკიდა და ძირითადი დროის გატარება სათადარიგოთა სკამზე უწევს. ამიტომაც, მომავალი სეზონიდან "კარლეტო" ჩიჩარიტოს სხვა გუნდში გამწესებას და ლუჩიანო ვიეტოს ხელში ჩაგდებას ეცდება.

იტალიელი სპეციალისტი დიდი ყურადღებით აკვირდება არგენტინელ ფორვარდს. მისი აზრით ვიეტო სწორედ ისეთი ფეხბურთელია, რომელიც "რეალის" სათამაშო სტილს შეეფერება. ის "ლა ლიგაში" აღზრდილია და რა თქმა უნდა, "პრიმერაში" თამაშის გამოცდილებაც აქვს. ეს კი, ანჩელოტის ძალიან მოსწონს. მიმდინარე სეზონში ლუჩიანოს 20 მატჩში 10 გოლი დაუგროვდა. მან ერთ–ერთი ბურთი "კამპ ნოუზე", "ბარსელონას" წინააღმდეგ გაიტანა 50–ე წუთზე.

არგენტინელი ფეხბურთელის ფასი 30–35 მილიონს შეადგენს.


defensacentral