კაპელო:"ანჩელოტისთვის "ატლეტიკო" დაუძლეველი ბარიერია"
ფაბიო კაპელოს განცხადებით, წლეულს კარლო ანჩელოტისთვის თანაქალაქელი "ატლეტიკო" დაუძლეველი ბარიერი გახდა, თუმცა ეს ვერ გადაწონის ჩემპიონთა ლიგის ფინალს, სადაც იტალიელმა სპეციალისტმა მადრიდის "რეალს" რიგით მე-10 თასი მოუტანა...
"არ ვიცი როგორ გამწარდა შარშან დიეგო, მაგრამ ფაქტია, რომ მიმდინარე სეზონში "როხიბლანკო" თანაქალაქელ "რეალს" ყველგან უგებს. ლა ლიგაში "ატლეტიკოს" შესანიშნავი მაჩვენებელი აქვს, "ლა კოპაზე" კი ანჩელოტის გუნდის ბარიერი გადალახა, მაგრამ "ბარსელონას" წინააღმდეგობას ვეღარ გაუძლო."
"ვფიქრობ, ფეხბურთელებს ფსიქოლოგიურადაც უჭირთ, რადგან მუდმივად წარუმატებლობას განიცდიან დედაქალაქურ დერბიში."
"დანაკლისმა ბევრი რამ გადაწყვიტა, მაგრამ "მერენგების" საერთო თამაში ვერანაირ კრიტიკას ვერ უძლებდა."
"კარლო ანჩელოტიმ არაერთი მაღალი დონის მეტოქე დაამარცხა. ვფიქრობ, ეს კლუბები "ატლეტიკოზე" ძლიერებიც იყვნენ, მაგრამ სიმეონეს დამოძღვრილები მაქსიმალურად ცდილობენ დერბიში წარმატების მიღწევას და გამოსდით კიდეც."
- 8 თებერვალი 2015
- 2 720
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
