ხამეს როდრიგესის ტრავმამ კოლუმბიის პრეზიდენტიც კი შეაწუხა. იგი იმედოვნებს, რომ მადრიდის "რეალის" მეათე ნომერი მალე დაბრუნდება მინდორზე.

კოლუმბიის პრეზიდენტმა, ხუან მანუელ სანტოსმა სოციალური ქსელის მეშვეობით თანადგომა გამოუცხადა ხამესს. "47 მილიონი კოლუმბიელი გიდგას გვერდში და ყველა მალე გამოჯანმრთელებას გისურვებს" - წერს მანუელ სანტოსი "ტვიტერზე".

შეგახსენებთ, რომ როდრიგესმა დაზიანება "სევილიასთან" მატჩის დროს მიიღო და იგი ორი თვით გამოეთიშა საყვარელ საქმიანობას. მართალია, მას ბევრი მატჩის გამოტოვება მოუწევს და მადრიდის "რეალს" პრაქტიკულად ვერ დაეხმარება სეზონის მიწურულამდე, თუმცა მედიკოსები გვპირდებიან, რომ როდრიგესს 2015 წლის კოპა ამერიკაზე აუცილებლად ვიხილავთ.

As.com