ლა გოლეადას რეპორტიორისა და ექსპერტის, ლატიგო სერანოს განცხადებით, მადრიდის "რეალს" სიმეონეს გუნდთან ძალიან გაუჭირდება და კარლო ანჩელოტი ფრესაც დიდ სიამოვნებით მოაწერს ხელს...

"დიეგოს გუნდი ბრწყინვალე ფორმაშია, "ატლეტიკო" საშინაო კედლებში თამაშობს და ბრწყინვალე შანსი ეძლევა. გამარჯვების შემთხვევაში "როხიბლანკოელები" 7 ქულიან უპირატესობას 4 ქულამდე შეამცირებენ."

"კარლო ანჩელოტის შემადგენლობის მხრივ უდიდესი პრობლემები აქვს. ხამეს როდრიგესი, პეპე, მოდრიჩი, სერხიო რამოსი, ფაბიო კოენტრაუ, ამას კი ემატება დისკვალიფიცირებული მარსელო. დამეთანხმებით, გუნდის ძირითადი ბირთი დერბიში მონაწილეობას ვერ მიიღებს."

"კრიშტიანო რონალდუ ბრუნდება, აქედან გამომდინარე წინა ხაზს BBC გაამაგრებს, მაგრამ ეს საკმარისი არ არის."

"დაცვაში უდიდეს პროლემებთან გვაქვს საქმე, სიმეონეს კი შესანიშნავი შეტევის ხაზი ჰყავს."