ტიბო კურტუა პერესის ობიექტივში
Le10Sport-ის ინფორმციით მადრიდის "რეალის" პრეზიდენტის ობიექტივში "ჩელსის" კარის დარაჯი, ტიბო კურტუა მოექცა, რომელიც უკვე რამდენიმე სეზონია უმაღლეს დონეზე გამოიყურება და არაერთი გრანდის ყურადღება მიიქცია...
მადრიდში გავრცელებული ხმების მიხედვით იკერ კასილიასი სეზონის ბოლო ამერიკის შეერთებული შტატებისკენ აიღებს გეზს, მას კი სრულფასოვანი შემცვლელი სჭირდება. ანჩელოტის განკარგულებაშია კეილორ ნავასი, მაგრამ ჯერ-ჯერობით უცნობია წარმოიდგენს თუ არა იტალიელი სპეციალისტი გუნდის ძირითად მეკარედ კოსტა-რიკელს.
ასევე ვრცელდება ინფორმაციები იმის შესახებ, რომ დედაქალაქელები მანუელ ნოიერის შეძენით ინტერესდებოდნენ, მაგრამ მიუნხენის "ბაიერნის" მმართველებისგან მტკიცე უარი მიიღეს და მოლაპარაკებები დაასრულეს.
ახლა კი პერესის ფავორიტი ტიბო კურტუაა, რომელიც "არისტოკრატთა" ღირსებას იცავს. სავარაუდოდ, ჟოზე მოურინიო ყველაფერს გააკეთებს შეგირდის შესანარჩუნებლად, მაგრამ ფინანსურ დეტალებს დიდი მნიშვნელობა მიენიჭება.
- 4 თებერვალი 2015
- 6 554
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
