ისკოს შეჩერებას პრიმერა დივიზიონის ფებურთელები პრაქტიკულად ვერ ახერხებენ.

ესპანელი ნახევარმცველი ფიზიკურად ძალიან ძლიერია და ფინტების საკმაოდ დიდი არსენალი აქვს, რისი წყალობითაც მის წინააღმდეგ თამაში ურთულეს ამოცანას წარმოადგენს. ისკომ მხოლოდ ორი შეხვედრა გამოტოვა. პირველი "სელტას" წინააღმდეგ, ხოლო მეორე ტრავმის გამო "კორდობასთან".

მას შემდეგ, რაც ლუკა მოდრიჩი დაშავდა და გუნდს დააკლდა, მადრიდელთა 23-ე ნომერი კარლო ანჩელოტის უსაყვარლესი ნახევარმცველი გახდა სამეფო კლუბის შემადგენლობაში, რაზეც მეტყველებს ჩატარებული შეხვედრები. მან 16 მატჩიდან 14-ში მიიღო მონაწილეობა.

ესპანელი ტალანტი მადრიდის "რეალის" გულშემატკივრისთვის საამაყო და საქებარ მოთამაშედ ჩამოყალიბდა. გასულ სეზონში მას ძირითადად სათადარიგოთა სკამზე უწევდა ყოფნა, თუმცა წელს ისკომ დაამტკიცა, რომ მსოფლიოს ერთ-ერთი საუკეთესო გამთამაშებელია.

Marca.com