მადრიდის "რეალი" არის ერთადერთი გუნდი, რომელმაც ყველა დაპირისპირებაში მოახერხა გოლის გატანა.

ჩატარებული 20 ტურის შემდეგ, სამეფო კლუბი ერთადერთია ევროპის წამყვან ჩემპიონატებში (ინგლისი, ესპანეთი, გერმანია, იტალია, პორტუგალია და საფრანგეთი), რომელსაც არცერთი მატჩი არ დაუსრულებია გატანილი ბურთის გარეშე.

მადრიდის "რეალის" შემდეგ მოდის "ჩელსი", "ბენფიკა" და "სპორტინგი". ამ კლუბებმა მინდორი მხოლოდ თითო-თითოჯერ დატოვეს მეტოქის კარის აუღებლად. "ბლანკოსი" აგრეთვე არის გუნდი, რომელმაც ყველაზე მეტი გოლი გაიტანა (68), საშუალოდ თეთრები 3.4 ბურთის შეგდებას ახერხებენ მეტოქის კარში.

მადრიდელებმა 31 გოლი სანტიაგო ბერნაბეუზე გაიტანეს, ხოლო 37 გასვლით მატჩებში.

Realmadrid.com