მარსელო ვიეირამ ბასკებთან შეხვედრა შეაფასა...

"მოედანზე თავისუფლად გამოვედით. წინა მატჩებში ეფექტურობა დავკარგეთ, მაგრამ დაძაბულები არ ვყოფილვართ."

"პირველ წუთზე გოლის გაშვებამ დაგვაბნია, მაგრამ ვიცოდით, რომ 3 ქულა გვჭირდებოდა, თანაც შეხვედრა სანტიაგო ბერნაბეუზე იყო, სადაც პაექრობის მოტრიალება თავისუფლად იყო შესაძლებელი, აქედან გამომდინარე არ გავტყდით, შედეგმაც არ დააყოვნა და მეხუთე წუთისთვის ტაბლოზე 1-1 ფიქსირდებოდა."

"მიხარია, რომ კარგად ვითამაშეთ. კლუბმა დახვეწილი ფეხბურთი აჩვენა. უპირატესობას ჩვენ ვფლობდით და მომენტებიც თავისთავად იქმნებოდა."

"კმაყოფილი ვარ საკუთარი თამაშით. ვფიქრობ, კარგ კონდიციაში ვიმყოფები."

"რთული პაექრობები გველის. ანდალუსიელები ჩვენს დამარცხენას ეცდებიან, "ატლეტიკოსთან" კი რამდენჯერმე გაგვიჭირდა. მიზანი 2 მატჩში 6 ქულა იქნება."

"კარიმ ბენზემა ბრწყინვალე ფორმაშია. კრიშტიანო რონალდუს არყოფნაში ფრანგმა ფორვარდმა ლიდერობა იტვირთა და დაკისრებულ მოვალეობას შესანიშნავად გაართვა თავი."