ემილიო ბუტრაგენიომ "სოსიედადის" დამარცხების შემდეგ ტრადიცია არ დაარღვია და ჟურნალისტებთან ისაუბრა...

"ეს იყო მატჩი, სადაც არაერთი მომენტი შეიქმნა. ვფიქრობ, "რეალს" გაცილებით მეტი გოლის გატანა შეეძლო, რადგან ბევრი მომენტი ვერ გადაისახა შედეგიან დარტყმაში."

"ფრანცისკო ძალიან მიმზიდველია, როგორც ფეხბურთელი. ახალგაზრდა ესპანელის შემოქმედებითი ნიჭი უსაზღვროა, ის თავს კომფორტულად გრძნობს და თამაში უხარია."

"კარიმი შეუჩერებელი იყო, მან გამარჯვებაში დიდი წვლილი შეიტანა."

"ილიარამენდის თამაში კარლო ანჩელოტის გადაწყვეტილება იყო, რადგან მას მეტი ბალანსი და ნახევარდაცვის კონტროლი სურდა, ბასკმა კარგად ითამაშა."

"გარეთ ბეილი ყოველთვის სახიფათოა. უელსელმა ფეხბურთელმა არაერთხელ გაამწვავა სიტუაცია, მაგრამ დასკვნით ფაზაში მოიკოჭლა. გარეთს არაერთი გოლის გატანა შეეძლო დღევანდელ საღამოს."

"კრიშტიანოს არყოფნა გუნდს არ დატყობია, მაგრამ მასთან ერთად კოლექტივი ბევრად უფრო სოლიდურია. რონი არის მოთამაშე, რომელიც გუნდს ნებისმიერ დროს სჭირდება."

"ძალიან მნიშვნელოვან კვირას ვიწყებთ. 7 დღეში ორი მატჩი გვექნება გასამართი, პირველი მეტოქე ანდალუსიური "სევილიაა", მეორე კი თანაქალაქელი "ატლეტიკო". იმ შემთხვევაში თუ ორივე პაექრობას მოვიგებთ, ჩემპიონობაზე კიდევ ერთხელ განვაცხადებთ პრეტენზიას."