ბენზემა:"მოხარული ვარ გამარჯვებით"
კარიმ ბენზემა, რომელიც "სოსიედადთან" პაექრობაში უდაოდ საუკეთესო გახლდათ, მატჩის შემდეგ ჟურნალისტებს გაესაუბრა...
"რთული მატჩი იყო. ბასკები დიდი ბრძოლისუნარიანობის გამოირჩევიან, თანაც შეხვედრის პირველივე წუთზე მოახერხეს ჩვენი კარის აღება, მაგრამ სათანადო პასუხი მალევე გავეცით, შემდეგ კი მთელი პაექრობა ჩვენი კარნახით მიმდინარეობდა. მნიშვნელოვანი სამი ქულა ჩავიწერეთ აქტივში."
"ამის შემდეგ საწყის წუთებში მართლაც დიდი ყურადღება გვმართებს. იანვრის თვეში რამდენჯერმე დავისაჯეთ."
"შესანიშნავი გოლი გამომივიდა, ნამდვილად არ მოველოდით თუ ბურთი მსგავსი ტრაექტორიით წავიდოდა. საბოლოო ჯამში მართლაც კარგი სანახაობა იყო."
"ახლა სევილიაზე ვფიქრობთ, ვინაიდან ანდალუსიელებთან გამარჯვება ჰანდიკაპს გაზრდის, რაც მეტისმეტად მნიშვნელოვანია. წლეულს, ლა ლიგაში წარმატება თითოეული მადრიდისტას ოცნებაა."
- 31 იანვარი 2015
- 3 169
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
