გავრცელებული ინფორმაციის მიხედვით, ფლორენტინო პერესმა მომდევნო სეზონისთვის ახალი, გამოცდილი მცველის შეძენა განიზრახა, რომელიც კეპლერ პეპეს შემცვლელად მოგვევლინება...

პორტუგალიელ ფეხბურთელს ფიზიკური თვალსაზრისით აშკარა პრობლემები აქვს, პოზიციურად იგი ნამდვილად მყარი და იმედისმომცემია, თუმცა ძველი სისწრაფე დაკარგული აქვს, ამასთან ერთად კი ტრავმის მიღებასაც მოუხშირა, რაც კარლო ანჩელოტის დამატებით საფიქრალს უჩენს.

გუნდში არის რაფაელ ვარანი, რომელიც ცენტრალურ მცველებს სრულფასოვნად ცვლის, თუმცა სეზონი გრძელია და "ბლანკოსი" არაერთ ტურნირზე იღებს მონაწილეობას და სამწვრთნელო შტაბი თვლის, რომ ერთი კვალიფიციური უკანახაზელის დამატება ურიგო არ უნდა იყოს.

Daily Express-ის ინფორმაციით ფლორენტინო მიზანი პარისენჟერმენის ფეხბურთელის, დავიდ ლუისის სამსახურით არის დაინტერესებული და ზაფხულში ფრანგებთან მოლაპარაკებების დაწყებას გეგმავს.

ამ ყველაფერს ემატება ჟოზე მოურინიოს ინტერესი და განსაკუთრებული მოთხოვნა, რომელიც მან "ჩელსის" ხელმძღვანელობას წაუყენა რაფალ ვარანთან დაკავშირებით. ლონდონელი "არისტოკრატები" სერიოზულ აქტიურობას გეგმავენ.