როგორც მოგეხსენაბთ, გავრცელდა ინფორმაცია, რომ ფიფა "მადრიდის რეალის" წინააღმდეგ გამოძიებას იწყებს და სურს შეამოწმოს, თუ რამდენად ასრულებენ "თეთრები" რეგულაციების მე-19 მუხლს, რომელიც 18 წლამდე ფეხბურთელების უფლებებს იცავს.

1. ფეხბურთელების საერთაშორისო ტრანსფერი დაშვებულია მხოლოდ და მხოლოდ მას შემდეგ, რაც ფეხბურთელი 18 წლის გახდება, გარდა ქვემოთ მოცემული სამი შემთხვევისა:

a) არასაფეხბურთო მიზეზების გამო, თუ ფეხბურთელის მშობლებმა შეიცვალეს საცხოვრებელი ქვეყანა და ცხოვრობენ იმ ქვეყანაში, სადაც კლუბი გამოდის.

b) თუ ტრანსფერი ხდება ევროკავშირისა და ევროპის ეკონომიკური ტერიტორიის ფარგლებში და ფეხბურთელი 16-18 წლისაა. ამ დროს ახალი კლუბი უნდა აკმაყოფილებდეს შემდეგ პირობებს:

I. იზრუნოს შეძენილი ფეხბურთელის სკოლაში სიარულზე და ვარჯიშზე

II. იყოს გარანტი, რომ ფეხბურთელს ექნება შესაბამისი აკადემიური მომზადება, განათლება და ვარჯიში მისი მოგზაურობის დროს, რომელიც გულისხმობს , რომ მას შეუძლია აირჩიოს სხვა კარიერა ფეხბურთის გარდა.

III. იღონოს ყველაფერი იმისთის, რომ ფეხბურთელს ქონდეს სრულყოფილი პირობები საცხოვრებლად , როგორც ოჯახში, ასევე კლუბის გარემოცვაში.

c) ფეხბურთელის საცხოვრებელსა და კლუბს შორის, რომელშიც მას უწევს ტრანსფერის შემდეგ თამაში მანძილი არ უნდა აღემატებოდეს 100 კმ-ს. ასეთ შემთხვევაში ფეხბურთელმა უნდა იცხოვროს საკუთარ ოჯახში და კლუბმა უნდა უზრუნველყოს მისი შესაბამისი ტრანსპორტირება.

წყარო: AS