მატჩის დასრულების შემდეგ, სამეფო კლუბის მთავარმა მწვრთნელმა, კარლო ანჩელოტიმ ჟურნალისტების შეკითხვებს უპასუხა.

"მთავარია სამი ქულა მოვიპოვეთ და პრიმერა დივიზიონის ცხრილის სათავეში ადგილს ვინარჩუნებთ. რაც შეეხება კრიშტიანოს გაძევებას, მე კარგად ვერ დავინახე რა მოხდა, ასე რომ ამ ეტაპზე ჩემგან კომენტარის გაკეთება არ იქნება გამართლებული."

"ხედირას ნაცვლად ილარა იმიტომ შემოვიყვანე, რომ ასიერი ტიპიური ცენტრალური ნახევარმცველია. ამ ცვლილებით ტონი კროოსს საშუალება მივეცი შეტევაში აქტიურად ჩართულიყო. პირველი ტაიმით უკმაყოფილო ვიყავი და ფეხბურთელებს მეტი აქტიურობისკენ მოვუწოდე."

"ცოტა ხნის წინ შევიძინეთ ლუკას სილვა. იგი არის ძალიან ნიჭიერი ახალგაზრდა, რომელიც ჩვენი გეგმების განხორციელებაში დაგვეხმარება. მისი სათამაშო სტილი და მონაცემები უძვირფასესია მადრიდის "რეალისთვის"."

"მინდა "კორდობა" შევაქო. ისინი ბურთს კარგად იჭერდნენ, აკეთებდნენ ზუსტ და გააზრებულ გადაცემებს. აგრეთვე ძალიან მომეწონა მათი კონტრიერიშები. ჩემი აზრით, "კორდობა" გამარჯვებას იმსახურებდა, თუმცა სამი ქულა ჩვენ ჩავიგდეთ ხელში. მიუხედავად ამისა მინდა მივულოცო მათ ბრწყინვალე ასპარეზობა."

As.com