"რეალის" ბრაზილიელი ახალწვეული კვირას ჩაფრინდება მადრიდში, ხოლო ორშაბათს, ოფიციალურად გახდება შემადგენლობის სრულფასოვანი წევრი.

საინტერესოა, რომ ლუკას სილვა მე-18 ნახევარმცველია, რომელიც სამეფო კლუბის ხელმძღვანელობამ შეიძინა ბოლო 10 წლის განამვლობაში.შეიძლება ითქვას, "კრუზეიროს" აწ უკვე ყოფილ ფეხბურთელზე დიდი პასუხისმგებლობაა, რამეთუ მისი წინამორბედებიდან, მხოლოდ რამდენიმემ გაამართლა მადრიდისტების იმედები.

2005 წლიდან დღემდე, შემდეგმა შუახაზელებმა მოირგეს "ბლანკოსის" მაისური: გრავესენი, პაბლო გარსია, ემერსონი, დიარა, გაგო, დე ლა რედი, ხავი გარსია, ლასი, ალონსო, გრანერო, ხედირა, შაჰინი, მოდრიჩი, ესიენი, ილიარამენდი, კაზემირო და კროოსი.

ჩამოთვლილი მოთამაშეებიდან, ჩაბი ალონსოს, ლუკა მოდრიჩისა და ტონი კროოსის გამოყოფა იქნება უპრიანი, რამეთუ სწორედ მათ გამოავლინეს ის საფეხბურთო დონე და შესაძლებლობები, რაც "რეალის" ცენტრს შეეფერება.

იმედია, ლუკას სილვაც ხსენებული სამეულიდან აიღებს მაგალითს და მორიგი წარუმატებელი ტრანსფერი არ გახდება კლუბის ისტორიაში.

MARCA