რაფაელ ვარანი მადრიდის "რეალის" ძირითადი შემადგენლობის ფეხბურთელად არ ითვლება, მაგრამ "ას"-ის ჟურნალისტებმა ერთ საკმაოდ საინტრესო ნიუანსს გაუსვეს ხაზი...

ნებით თუ უნებლიედ, საჭიროების გამო თუ უბრალოდ კონდიციის კმაყოფილებით, კარლო ანჩელოტიმ ჩემპიონთა ლიგის ჯგუფურ ეტაპზე ფრანგ ფეხბურთელს ყველა მატჩში მისცა შანსი.

რაფა ხან კეპლერ პეპეს, ხანაც სერხიო რამოსის დუბლიურად გვევლინებოდა.

ვარანს 6-იდან 6 მატჩში აქვს ნათამაშები და მის ანგარიშზე შესაძლო 540 წუთიდან, 474 წუთია, მას ტონი კროოსზე უკეთესი მაჩვენებელიც კი აქვს, რომლის ანგარიშზეც 429 წუთი გახლავთ.

კეპლერ პეპეს ტრავმის გამო ვარანი ჩემპიონთა ლიგის 1/8 ფინალშიც ძირითად შემადგენლობაში მოგვევლინება, ფრანგ ფეხბურთელს გერმანული "შალკეს" წინააღმდეგ მოუწევს ცენტრალური რგოლის გამაგრება.