ბრიტანულ საინფორმაციო წყაროებზე დაყრდნობით, ლუის ვან გაალს ლუკა მოდრიჩის დამატება სურს და ხელმძღვანელობასთან კონსულტაციების შედეგად ფლორენტინო პერესთან დიალოგის წამოწყება გადაწყვიტა...

Daily Express-ის ინფორმაციით "წითლები" მზად არის ესპანელებს 62 მილიონი ევრო შესთავაზონ, თავად ფეხბურთელს კი უკეთესი ხელფასი შესთავაზონ, ვიდრე ესპანეთის დედაქალაქში აქვს.

ლუის ვან გაალის აზრით, მოდრიჩს პრემიერლიგასთან ადაპტირება არ გაუჭირდება, რადგან ის წლების მანძილზე ასპარეზობდა "ტოტენჰემში" და გუნდის უდავო ლიდერიც იყო.

მანჩესტერული კლუბის ხელმძღვანელობა მზად არის შეთანხმებას იანვრის ბოლომდე მიაღწიოს და ინგლისში ტრავმირებული ლუკა წაიყვანოს, აღდგენითი კურსის ბოლო ეტაპს კი საკუთარი სამედიცინო გუნდით მიხედოს.

ამასთანავე რამდენიმე დღის წინ გავრცელდა ინფორმაციები იმის შესახებ, რომ მოდრიჩის პერსონით სამეფო კლუბის ყოფილი მწვრთნელი, ჟოზე მოურინიოც არის დაინტერესებული და მისი ხილვა "არისტოკრატთა" რიგებში სურს.