გერმანელი მარკო როისმა, რომელსაც „რეალის“ მაისურის მორგებას უწინასწარმეტყველებენ, ტრავმა მოიშუშა და გუნდთან ერთად ესპანეთში იმყოფება შეკრებაზე.

დორტმუნდელები ალიკანტეში იმყოფებიან, სადაც 4000 მაყურებლიან საფეხბურთო არენაზე, „სტიაუა“ დაამარცხეს მინიმალური ანგარიშით (1-0).აღსანიშნავია, რომ პირველად 2 თვის შემდეგ, მოედანზე გამოჩნდა მარკო.ამ უკანასკნელმა 45 წუთი გაატარა საქმეში და თავს კომფორტულად გრძნობდა.

ნამატჩევს, გულშემატკივართა ნაწილი სხვადასხვა შეძახილებით მოუწოდებდა როისს სამეფო კლუბში გადასვლისაკენ.მას „ბლანკოსის“ მაისურზეც მოუწია ავტოგრაფის დატოვება, თუმცა ჟურნალისტებთან კომენტარის გაკეთება არ ინება.

AS