მადრიდის "რეალის" გამოცდილ მცველს, ალვარო არბელოას დღეს 32 წელი შეუსრულდა...

ალვარო 1983 წლის 17 იანვარს ქალაქ სალამანკაში დაიბადა, ის სამეფო კლუბის აღზრდილია და წლების მანძილზე "თეთრების" ღირსებას იცავს.

გარდა "რეალისა" არბელოა "დეპორტივოსა" და "ლივერპულის" სადარაჯოზეც იყო.

"მერენგების" რიგებში ესპანელ მცველს 214 პაექრობა აქვს გამართული, ამ ხნის მანძილზე მან 2-ჯერ სამეფო თასი, ჩემპიონთა ლიგა, ლა ლიგა, საკლუბო მსოფლიო ჩემპიონატი, ესპანეთის სუპერთასი და ევროპის სუპერთასი მოიგო.

ალვარო ოქროს მედლებს სანაკრებო დონეზეც ფლობს, ის წლების მანძილზე ითვლება "ფურია როხას" წევრად.