Cadena Ser-ის ექსპერტმა, ანტონიო რომერომ განაცხადა, რომ კარლო ანჩელოტის გუნდში ყველაფერი რიგზე ვერ არის, რასაც პირველ რიგში ფიზიკური კონდიციები განაპირობებს...

"ვერ ვიტყვი, რომ "მერენგების" რიგებში კრიზისია, მაგრამ ფეხბურთელებს ფიზიკური თვალსაზრისით აშკარა პრობლემები აქვთ, რაც საბოლოო ჯამში გუნდის ცუდ თამაშს განაპირობებს. "რეალი" სულ უტევდა, არაერთი სახიფათო მომენტი შექმნა, მაგრამ გუნდს რაღაც აკლდა, რაც პირველ რიგში ინტენსიობაზე მიგვითითებს. პირველ ნახევარში "ბლანკოსმა" მეტოქეს თავბრუ დაახვია, მეორეში კი დავინახეთ "ატლეტიკო", რომელიც ფიზიკურად ბევრად უფრო ძლიერი იყო, ვიდრე "რეალი". თანაც გასათვალისწინებელია "ბლაუგრანასთან" გამართული მომქანცველი დაპირისპირება, რომელიც დიეგო სიმეონეს გუნდმა წააგო."

"კეილორ ნავასი უდიდესი მეკარეა, მაგრამ ის იკერ კასილიასის ჩრდილიდან გამოსვლას ვერ ახერხებს. თანაქალაქელებთან კოსტა-რიკელ კარის დარაჯს არ გაუმართლა, რადგან ზუსტად 4-ჯერ წავიდა კარის მიმართულებით ბურთი და ყველა მათგანი ბადეში გაეხვა."