სამეფო კლუბი ერთი შეხედვით კარგად დაკომპლექტებული გუნდია, რომელსაც ფეხბურთელის დამატება არ სჭირდება, მიუხედავად ამისა არ წყდება სპეკულაციები თეთრების სატრანსფერო სიახლეებთან დაკავშირებით.

Tuttosport-ის ინფორმაციით სამეფო კლუბი მზად არის ტურინის იუვენტუსს 100 მილიონი ევრო შესთავაზოს პოლ პოგბას სანაცვლოდ. 23 წლის ფრანგი ნახევარმცველი ბებერი ქალბატონის უდავო ლიდერია და სერია ა-ს ლიდერები მის გაყიდვას არ აპირებენ. ფლორენტინო პერესი კი ფიქრობს, რომ ყველაფერის ყიდვა შეიძლება თუ საკმარის თანხას გამონახავ. აქამდე ვრცელდებოდა ინფორმაცია რომ ტურინელები პოგბას დათმობას 80 მილიონად აპირებდნენ და ყველაზე მეტად მანჩესტერ იუნაიტედი აქტიურობდა. წითელ ეშმაკებს ერთ დროს უფასოდ იტალიაში გაშვებული შეგირდის დაბრუნება სურდათ. სამეფო კლუბის პრეზიდენტი კი არ აპირებს ბრიტანელებისთვის ფეხბურთელის დათმობას, მითუმეტეს პოგბაზე ერთი-ორი კარგი სიტყვა ზინედინ ზიდანმაც ჩააგდო, რომელსაც ძალიან კარგი სატრანსფერო ალღო აქვს (გავიხსენოთ რაფაელ ვარანი). მოკლედ დიდი ალბათობით ზაფხულში პოგბა თეთრ მაისურს მოირგებს.

მანჩესტერელები კი სანაცვლოდ გარეთ ბეილს მიიღებენ 150 მლნ. ევროდ. როგორც აღმოჩნდა კარლო ანჩელოტი მზად არის გაუშვას ფეხბურთელი იმ შემთხვევაში თუ უელსელი თავად გამოთქვამს სურვილს.

ამ ორი ტრანსფერის განხორციელების შემთხვევაში კი რეალი მთლიანად გადაეწყობა. მოედნის ცენტრს ეყოლება სამი უცვლელი წევრი მოდრიჩი, კროოსი, პოგბა. ბეილის ადგილს კი ისკო, ხამესი და ხესე შეავსებენ.