ბოლო თამაშებიდან ნათლად ჩანს, რომ ბეილს კლუბში თავის დამკვიდრება სურს და ის ბოლო დროს ბევრს იღებს საკუთარ თავზე.

გარეთ ბეილი ვარსკვლავია და მას სურს, რომ დაანახოს ყველას თავისი შესაძლებლობები. სწორედ ეს ამოძრავებს უელსელს , როცა მოედანზე გამოდის "მადრიდის რეალის" მაისურით, მაგრამ მის ამ სურვილებს, ხშირ შემთხვევაში ცუდ შედეგებამდე მივყავართ. ზოგჯერ ისე ჩანს, რომ მისი გადაწყვეტილებები ფეხბურთის უმთავრესი პრინციპის, გუნდურობის საწინააღმდეგოდაა მიმართული და მხოლოდ ინდივიდუალიზმის გამოვლინებას ემსახურება.

ბეილი არ ეძებს კონფილქტებს. ის ასეთია. მას უნდა, რომ ხედავდნენ, როგორც კარგ ფეხბურთელს, მაგრამ ეს ზოგჯერ ნიშნავს იმას, რომ ის სწორ გადაწყვეტილებებს არ ღებულობს. ბეილი ისეთია, როგორიც ანჩელოტის სურს. დიახ, ის ვარსკვლავია და სურს ამის დამტკიცება ყველასთვის.

მას ისევე აქვს კლუბის მხრიდან სრული მხარდაჭერა, როგორც კრიშტიანო რონალდუს. პერესმა დიდი ძალისხმევა გასწია მის გადმოსაბირებლად და სწორედ პერესი იყო პირველი, რომელმაც უარყო გავრცელებული ხმები უელსელის "მანჩესტერ იუნაიტედში" შესაძლო გადასვლასთან დაკავშირებით.

ბეილი მშვიდადაა, ის მოწადინებულია, რომ "მადრიდის რეალში" გააგრძელოს თამაში. თავს ამ კლუბის ნაწილად გრძნობს და ფიქრობს, რომ შეუძლია კლუბს ბევრი რამით დაეხმაროს.


წყარო: MARCA